ტრენინგი ციფრული უსაფრთხოების შესახებ

20-21 აპრილს SecDev Foundation-ის წარმომადგენლებმა სასამართლოს გუშაგის გუნდისთვის ციფრული უსაფრთხოების შესახებ ტრენინგი ჩაატარეს. 

CyberSTARs–ის ტრენერების საველე გუნდმა შემდეგ საკითხებზე გაამახვილა ყურადღება:

• რატომ არის ციფრული უსაფრთხოება ასე მნიშვნელოვანი სამოქალაქო საზოგადოებისათვის;
• როგორ დავიცვათ მონაცემები;
• პირადი ციფრული მოწყობილობებისა და „ციფრული ცხოვრების“ დაცვა;
• ორგანიზაციის უსაფრთხოება, როგორც ერთიანი პროცესი.

ტრენინგის მეთოდოლოგია ემყარება პროექტის მრავალწლიანი მუშაობის გამოცდილებას ჟურნალისტებთან, მედიასა და სამოქალაქო აქტივისტებთან ევრაზიის, მათ შორის პოსტსაბჭოთა ქვეყნებში, შუა აღმოსავლეთში და სამხრეთ-აღმოსავლეთ აზიაში. ტრენინგის მიზანია ციფრულ უსაფრთხოებასთან დაკავშირებით უნარების გაძლიერება.

SecDev Foundation-ის CyberSTAR (კიბერ უსაფრთხოების შეფასება და რეაგირება) პროექტი ეხმარება სამოქალაქო საზოგადოებრივ ორგანიზაციებს გააუმჯობესონ ციფრული უსაფრთხოების კულტურა ტრენინგის საშუალებით.