სასამართლოს გუშაგმა მოხალისეებთან საინფორმაციო შეხვედრები გამართა
10.10.2022
მიმდინარე წლის 4-7 ოქტომბერს საქართველოს სასამართლოს გუშაგმა სასამართლო პროცესების მონიტორინგში ჩართვით დაინტერესებულ პირებთან საინფორმაციო შეხვედრები გამართა.
ორგანიზაციის წარმომადგენლები საერთო ჯამში 150-ზე მეტ ადამიანს შეხვდნენ.
სასამართლო პროცესებს მოხალისეები დააკვირდებიან პროექტის „მოქალაქეთა მიერ სასამართლოების მონიტორინგი“ ფარგლებში, რომელსაც ახორციელებს საქართველოს სასამართლოს გუშაგი USAID სამართლის უზენაესობის პროგრამის მხარდაჭერით.
მონიტორინგის მიზანია:
- სასამართლო სისტემის გაუმჯობესება სასამართლო სხდომების მონიტორინგში მოქალაქეების ჩართვის გზით.
- სასამართლოს მიმართ ნდობის ჩამოყალიბება.
მონიტორინგის ადგილი: რუსთავი, მარნეული, მცხეთა, ქარელი, გურჯაანი, ქუთაისი, ზუგდიდი, ბათუმი, ფოთი, ხელვაჩაური, ბოლნისი, ხაშური, კასპი, გორი.
