სასამართლო კოლეგიების და პალატების თავმჯდომარეები - საჭირო თანამდებობა თუ პრივილეგია 

სასამართლო კოლეგიის და პალატის თავმჯდომარის  მოვალეობები კანონით განსაზღვრული არ არის, სამაგიეროდ, დადგენილია  შრომის ანაზღაურების ოდენობა, რომელიც სიმბოლურად, მაგრამ მაინც განსხვავდება იმ მოსამართლისგან, რომელსაც სხვა თანამდებობა არ უკავია.

- თბილისის საქალაქო სასამართლოს კოლეგიის თავმჯდომარის თანამდებობრივი სარგო შეადგენს  4 300 ლარს, ხოლო დანამატი 3 400 ლარია.

- რაც შეეხება სააპელაციო სასამართლოს, პალატის (კოლეგიის) თავმჯდომარის  ყოველთვიური თანამდებობრივი სარგო 5 300 ლარია, ხოლო დანამატი - 3 050 ლარი.

კოლეგიის და პალატის თავმჯდომარეთა ერთ-ერთი პრივილეგია სამოსამართლო საქმიანობით ნაკლები დატვირთულობაა. მაგალითად,  სააპელაციო სასამართლოს კოლეგიის/პალატის თავმჯდომარეზე და თბილისის საქალაქო სასამართლოს კოლეგიის თავმჯდომარეზე (გარდა კანონმდებლობით პირდაპირ გათვალისწინებული განსჯადი საქმეებისა), განსაკუთრებულ შემთხვევებში, შესაძლებელია განაწილდეს საქმეები, როგორც წესი, არაუმეტეს 5%-ისა. მიუხედავად იმისა, რომ ბუნდოვანია სასამართლოს კოლეგიის/პალატის თავმჯდომარის ადმინისტრაციული ფუნქციები, მათი დატვირთულობა სამოსამართლო საქმიანობით, წარმოუდგენლად დაბალია.  

ერთადერთი ჩანაწერი, რომელიც სასამართლოს კოლეგიის თავმჯდომარის მოვალეობასთან დაკავშირებით გვხდება, შემდეგია: სასამართლოს თავმჯდომარის არყოფნისას მის მოვალეობას, მისივე დავალებით, ასრულებს სასამართლოს ერთ-ერთი კოლეგიის თავმჯდომარე. ასეთი დავალების არარსებობისას მის მოვალეობას ასრულებს კოლეგიის თავმჯდომარე, რომელსაც მოსამართლედ მუშაობის მეტი გამოცდილება აქვს. ანალოგიური ჩანაწერი გვხვდება სააპელაციო სასამართლოს პალატის (კოლეგიის) თავმჯდომარესთან მიმართებაში, რომ მან გარკვეულ შემთხვევებში შეიძლება შეასრულოს სასამართლოს თავმჯდომარის ვალდებულება.

შესაბამისად, ჩვენ ვიცით, რას აკეთებს სასამართლო კოლეგიის ან პალატის თავმჯდომარე სასამართლოს თავმჯდომარის არყოფნისას, მაგრამ არ ვიცით, რას აკეთებს ის სასამართლოს თავმჯდომარის ყოფნისას.

ხშირად დანიშნული თავმჯდომარეები

იუსტიციის უმაღლესი საბჭოს  გადაწყვეტილებებს (რომლებიც გამოქვეყნებულია ოფიციალურ ვებგვერდზე) თუ  გავაანალიზებთ, აღმოჩნდება, რომ სხვადასხვა სასამართლო კოლეგიის/პალატის თავმჯდომარეები და მოავალეობის შემსრულებლები წლების განმავლობაში ხშირად ერთი და იგივე ადამიანები არიან.

მერაბ გაბინაშვილი - 2017 - 2019
ირაკლი შენგელია - 2019 - დღემდე

ირაკლი შენგელია - 2007 - 2019
მიხეილ ჩინჩალაძე - 2019 - 2020
დიმიტრი გვრიტიშვილი - 2020 - დღემდე

ლევან თევზაძე - 2018 - 2021
პაატა სილაგაძე - 2021- დღემდე

მერაბ გაბინაშვილი - 2019 (რამდენიმე თვე)
ვასილ მშვენიერაძე - 2019 - 2020
მიხეილ ჩინჩალაძე - 2020 - დღემდე

 

დიმიტრი გვრიტიშვილი - 2012 - 2020 
ვასილ მშვენიერაძე - 2020 (რამდენიმე თვე)

საბჭოს ვებგვერდის მონაცემებით, ამჟამად პალატას თავმჯდომარე არ ჰყავს

გოჩა აბუსერიძე - 2013 - 2020

დიმიტრი გვრიტიშვილი - 2020 (ივნისი -ივლისი)

საბჭოს ვებგვერდის მონაცემებით, ამჟამად პალატას თავმჯდომარე არ ჰყავს

საბჭოს ვებგვერდის მონაცემებით, პალატას 2015 წლიდან თავმჯდომარე არ ჰყავს

მალხაზ ოქროპირაშვილი - 2017- 2022

 

თბილისის საქალაქო სასამართლოში განსაკუთრებით თვალშისაცემია, რომ საქართველოში მოსამართლეთა რაოდენობის თვალსაზრისით ყველაზე მრავალრიცხოვან სასამართლოში, ძირითადად რამდენიმე მოსამართლე ფიგურირებს კოლეგიების თავმჯდომარის თანამდებობაზე, რომლებიც ხშირად ენაცვლებიან ერთმანეთს.  აქვე საგულისხმოა, რომ ისინი იუსტიციის უმაღლესი საბჭოს მოქმედი ან ყოფილი წევრები არიან. 

სერგო მეთოფიშვილი - 2016 - 2019

ბიძინა სტურუა - 2019 (1 თვეზე ნაკლები პერიოდი)

სერგო მეთოფიშვილი - 2020 - 2021

ბადრი შონია - 2021 - 2022

ვასილ მშვენიერაძე - 2022 ივლისიდან

ვასილ მშვენიერაძე - 2017-2019

სერგო მეთოფიშვილი - 2019

ბადრი შონია - 2020 - 2021

სერგო მეთოფიშვილი - 2021 

ვასილ მშვენიერაძე - 2021 - 2022

ბადრი შონია - 2022 ივლისიდან

თემურ გოგოხია - 2021 - დღემდე

ბადრი შონია - 2017 (ივლისი - ოქტომბერი)

თემურ გოგოხია - 2017 - 2021 

ბადრი შონია - 2017 (მაისი-ივლისი)

სერგო მეთოფიშვილი - 2021 - დღემდე

დღეისათვის არაერთ სასამართლოს პალატებსა და კოლეგიებს თავმჯდომარეები არ ჰყავთ, რაც კიდევ ერთხელ გვაფიქრებინებს, საჭიროა თუ არა საერთოდ ეს თანამდებობა? ამასთან, ბუნდოვანია რას და რის საფუძველზე საქმიანობენ ის პირები, რომლებიც ინიშნებიან კოლეგიისა/პალატის თავმჯდომარედ?

როგორ ინიშნება სასამართლო კოლეგიის და პალატის თავმჯდომარე?

სასამართლო კოლეგიის და პალატის თავმჯდომარეს 5  წლის ვადით ნიშნავს საქართველოს იუსტიციის უმაღლესი საბჭო.  კოლეგიის ან პალატის თავმჯდომარედ არ შეიძლება დაინიშნოს მოსამართლე, რომელიც თანამდებობაზე 3-წლიანი გამოსაცდელი ვადით არის გამწესებული, გარდა იმ შემთხვევებისა როდესაც პირს აქვს მოსამართლედ მუშაობის არანაკლებ 5 წლის გამოცდილება. თანამდებობაზე 3 წლის ვადით გამწესებული მოსამართლე სასამართლო კოლეგიის თავმჯდომარედ დაინიშნება თავისი უფლებამოსილების ვადის ფარგლებში.

სასამართლოებში, სადაც ორზე მეტი მოსამართლეა და საქმეთა წარმოება განსაკუთრებული ინტენსიურობით მიმდინარეობს, შეიძლება, შეიქმნას სპეციალიზებული სასამართლო კოლეგიები. ამის შესახებ გადაწყვეტილებას იუსტიციის უმაღლესი საბჭო იღებს. ეს უკანასკნელი განსაზღვრავს სასამართლო კოლეგიებში მოსამართლეთა რაოდენობასაც და შემადგენლობასაც. 

• თბილისის საქალაქო სასამართლო
• ბათუმის საქალაქო სასამართლო
• გორის რაიონული სასამართლო
• მცხეთის რაიონული სასამართლო
• რუსთავის საქალაქო სასამართლო
• ქუთაისის საქალაქო სასამართლო

• სამოქალაქო საქმეთა პალატა
• ადმინისტრაციულ საქმეთა პალატა
• სისხლის სამართლის საქმეთა პალატა
• საგამოძიებო კოლეგია

რაიონული (საქალაქო) სასამართლოს და სააპელაციო სასამართლოების კოლეგიის/პალატის თავმჯდომარის უფლებამოსილების შეწყვეტის საფუძვლებია: პირადი განცხადება, თავმჯდომარის უფლებამოსილების ვადის გასვლა, სამოსამართლო უფლებამოსილების შეწყვეტა, აგრეთვე, დისციპლინური ზემოქმედების ღონისძიება.