საქართველოს სასამართლოს გუშაგმა სასამართლოს ეფექტიანობის ინდექსის შესახებ ჟურნალისტებისთვის ტრენინგი ჩაატარა

2023 წლის 29-30 ივლისს საქართველოს სასამართლოს გუშაგმა თელავში ჩაატარა ტრენინგი მედიის წარმომადგენლებისთვის, რომელიც მიეძღვნა კვლევას - "სასამართლოს ეფექტიანობის ინდექსი", საერთო სასამართლოებთან დაკავშირებულ საკანონმდებლო ცვლილებებს და ნაფიც მსაჯულთა სასამართლოს. ტრენინგს ესწრებოდნენ ჟურნალისტები, პროდიუსერები, რედაქტორები, წამყვანები სხვადასხვა მედიასაშუალებებიდან.

• სასამართლოს გუშაგის დირექტორმა ნაზი ჯანეზაშვილმა, სამართლებრივმა კონსულტანტმა ანა ჩიქოვანმა, ანალიტიკოსმა სალომე კვირიკაშვილმა და სასამართლოს ეფექტიანობის ინდექსის კვლევის ექსპერტმა მაია ბაქრაძემ სასამართლოს ეფექტიანობის ინდექსის ინდიკატორები, სამუშაო პროცესი, შეფასების სისტემა და გამოწვევები მიმოიხილეს.
• თბილისის საქალაქო სასამართლოს სისხლის სამართლის საქმეთა კოლეგიის მოსამართლემ, ეკა არეშიძემ მონაწილეებს ნაფიც მსაჯულთა სასამართლოს შესახებ ისაუბრა.
• ჟურნალისტებმა მონაწილეობა მიიღეს ინტერაქციულ აქტივობებში, რომელიც შეეხებოდა, როგორც საერთო სასამართლოების სისტემას, ასევე, ნაფიც მსაჯულთა სასამართლოს. შეხვედრა დისკუსიის რეჟიმში მიმდინარეობდა.
  

შეხვედრა ჩატარდა სასამართლოს გუშაგის პროექტის „საქართველოს სასამართლოს ეფექტიანობის ინდექსი” ფარგლებში ნიდერლანდების სამეფოს საელჩოს მხარდაჭერით.

ამავე პროექტის ფარგლებში საქართველოს სასამართლოს გუშაგი რეგულარულ რეჟიმში ახორციელებს ცნობიერების ამაღლების აქტივობებს მედიისა და სამოქალაქო საზოგადოების წარმომადგენლებისთვის სასამართლოს სფეროში არსებული კონკრეტული გამოწვევებისა და გამოსავლის თაობაზე.